Si funksionon porosia?+
Zgjidhni paketën dhe modelin, plotësoni detajet e festës dhe studioja e përgatit ftesën. Me emailin e porosisë hyni në panelin tuaj, ku gjeni ftesën, lidhjet e të ftuarve dhe përgjigjet.
A duhet të krijojnë llogari të ftuarit?+
Jo. Çdo i ftuar hap lidhjen e vet personale nga telefoni dhe konfirmon pjesëmarrjen me një prekje.
A mund ta ndryshoj ftesën pasi të jetë gati?+
Po. Na shkruani në info@ftese.al dhe studioja përditëson orarin, vendin ose tekstin, edhe pasi ftesa t’u jetë dërguar të ftuarve.
Në cilat gjuhë është ftesa?+
Zgjidhni një ose dy gjuhë mes shqipes, anglishtes, italishtes, gjermanishtes dhe frëngjishtes. Me paketën Premium mund të keni deri në tre. Të ftuarit ndërrojnë gjuhën me një prekje.
A mund të shtoj këngën tonë ose një video?+
Po, në çdo paketë. Ngjitni një lidhje nga Spotify, YouTube, Apple Music, SoundCloud, Deezer ose Tidal kur porositni, ose ngarkoni skedarin nga paneli juaj. Kënga luan vetëm kur i ftuari shtyp play. Videoja mund të jetë lidhje nga YouTube ose Vimeo, ose skedar deri në 100 MB.
Çfarë mund të bëjnë të ftuarit në ftesë?+
Përveç konfirmimit, mund t’u përgjigjen pyetjeve tuaja, të lënë një urim me foto në murin e kujtimeve, të propozojnë këngë, të votojnë në një sondazh, të luajnë kuizin për çiftin, të rezervojnë një dhuratë nga lista dhe të gjejnë tavolinën e tyre. Ju vendosni cilat seksione shfaqen dhe studioja i përgatit.
Kush mund ta shohë ftesën?+
Ftesat janë private: i hapin vetëm të ftuarit që kanë lidhjen e tyre personale. Çdo lidhje mund ta çaktivizoni në çdo kohë nga paneli.
Sa kohë qëndron aktive ftesa?+
Ftesa mbetet aktive deri 14 ditë pas festës. Me paketën Premium qëndron më gjatë, që të ftuarit të rikthehen te fotot dhe kujtimet.